Juara Ortrad teh carita ngeunaan Dimas. Budak yatim urang lembur Bonjing anu hirupna prihatin. Hirup jeung indungna nu jadi purah buburuh, katilu adina nu leutik keneh. Wuri-wuri nguyung nguluwut, rengkak polahna kalah pikayungyuneun. Dimas teh rapekan, hideng, marahmay hade budi, jaba pinter deuih. Teu aneh mun di sakolana ge Dimas mah jadi murid nu dipikanyaah ku guru-guru tur dipikaresep ku babaturan. Tina katapisna dina nyieun jeung niup sumpit, Dimas diutus ku sakolana pikeun milu lomba Ortrad (olahraga tradisional). Hasilna tetela nyugemakeun. Dimas jadi juara kahiji tingkat kabupaten, sarta kapilih jadi wawakil ka tingkat provinsi.