Balaganjur: Sempalan Tilu Jaman ngagambarkeun suka-larana jalma-jalma leutik nu dumuk di lembur singkur enggoning ngigelan kahirupan mangsa penjajahan Walanda jeung Jepang sarta nguniangna sumanget ngahontal kamerdekaan. Rupa-rupa kajadian sapopoe nu dicaritakeun teh, lain nu pikahelokeun. Tapi matak kataji lantaran ngebrehkeunana make basa sapopoe nu hirup pisan. Lian ti eta euyeub ku basa wewengkon Padaherang di pakidulan Ciamis nu kawasna carang kadangu dina paguneman sapopoe urang Priangan sejenna.