Lian ti nembongkeun dimensi etis, sajak-sajak Nunu Nazarudin dina Miang nandeskeun oge dimensi estetisna. Dua dimensi anu sarua pada-pada ngahuluwotan kana tradisi agraris. Mun dipapandekeun kana sajak, panyajak anu nyanghulu kana tradisi agraris mah baris nganggap yen saban kecap nu dipilih teh teu bina ti bibit unggul, nu dina hiji mangsa bakal kaala mangpaatna ku nu maca (gaconganeun nu ngajak conggah). Dina proses nuliskeunana ki panyajak sadar yen pikeun ngamaksimalkeun mangpaatna tea, kecap jeung sugri pancaraken lianna kudu harmonis (ngarambet miara ucap). -Teddi Muhtadin