Mama Monzenze a'kobeta maboko ye moko. A'kokamwa ndenge Mandeni, auti kosenga mungwa po abakisa na biloko azali kolamba epayi na ye. Mandeni azalaka kala mingi te moninga makasi ya mwana na ye ya mwasi kombo Deti.
Mama Monzenze akamwe nini ? Ebele ya makambo ebombami na kamwa na ye. Oyo akozala na motema mpiyo akoyeba tina ya makambo. Oyo akozala motema moto moto akoki kozanga lisolo ekofungola ye mayele.
Mama Monzenze ayaki na libala eleki bambula soki zomi na mitano, soki tuku mibale. Akutaki Mama Venika na mokumba ya Mandeni ezali kobanda.