"Isang buhay na daigdig ang mga kuwento ni Emman. Kung paanong sabayang napapakilos ang mga tauhan at kapaligiran, kung paanong salit-salitang pumipintig ang utak at puso, at kung paanong isinasakay ng ulap ang mga pangarap papunta at pabalik sa pinanggalingan ay tahimik, magaan, malikot at matapat na naiparamdam sa kanyang mga talata. Walang pagkukunwaring naigaod ng P'wera Bisita sa pampang ng isla ang mga kasagutan sa kung alin ba ang binabalik-balikang lasa ng kalayaan. Dito itinatakda ng langit ang lahat ng kulay ng mga karagatan ng pakikibaka sa buhay pati na rin ang mga panahon ng unos at kalma. May nangyayaring rebolusyon sa kalooban ng mga tauhan sa kuwento at mambabasa. Luwalhati at bagabag ang iniiwan sa puso at utak ng P'wera Bisita." - MARISSA REORIZO-REDBURN, Co-Founder, Parasurat Bikolnon, Inc., Presidente, Kabulig-Bikol, Inc.