Ang Solo Flight ay koleksiyon ng 15 maikling kuwento na nagtatampok ng iba’t ibang mukha ng pag-iisa i.e. single by choice o kaya ay by circumstance, at ang iba’t ibang isyu na kailangan nilang kaharapin sa buhay gaya ng pagtanda ng mag-isa, stigma sa pagiging mag-isa at walang asawa, at iba pa. Itinatampok din dito ang mga kuwento ng pagkakaibigan at pagbubuklod ng mga babaeng may kaparehas na sitwasyon. Ito ay isang selebrasyon sa pag-iisa at pag-iisa ng mga kababaihan. Patunay na hindi ito kailangang laging maging malungkot at miserable gaya ng madalas na ilarawan sa popular na midya. Isa rin itong pagtatangka na mabago ang ilan sa mga isteryotipikal na persepsiyon sa babaeng single at mailahad ang mga isyu na madalas nilang kaharapin.