မြန်မာ့သမိုင်း၊ စာပေ၊ ယဉ်ကျေးမှုတို့ကို အထူးပြု၍ အင်္ဂလိပ်လာသာဖြင့် လည်းကောင်း၊ မြန်မာဘာသာဖြင့် လည်းကောင်း၊ သုတေသနစာတမ်းများ ရေးသားပြုစုခဲ့ကြသဖြင့် ကမ္ဘာ့ပညာရှင်များအလယ်တွင် ထင်ရှားကျော်ကြားခဲ့သော မြန်မာပညာရှင်များ၊ မြန်မာဆရာတော် ကြီးများ ရေးသားပြုစုခဲ့သည့် ဗုဒ္ဓဝင်၊ သာသနာဝင်ကျမ်းမှ အစပြု၍ နေ့စဉ်မှတ်တမ်း၊ မေတ္တာစာ၊ ပြ ဇာတ်၊ ဝတ္ထု၊ ဓမ္မသတ်၊ ရာဇဝင်ကျမ်းများကို အင်္ဂလိပ်ဘာသာသို့ ပြန်ဆိုရေးသားနိုင်ခဲ့သဖြင့် ကမ္ဘာ ကျော်ခဲ့သော မြန်မာစာအုပ်များအကြောင်းကို ဖော်ပြထားသော စာအုပ်ဖြစ်သည်။ ပညာရှင်များတွင် ဒေါက်တာထင်အောင်၊ ဒေါက်တာဘဟန်၊ ဦးလူဖေဝင်း၊ ဗိုလ်မှုးဘရှင်၊ ဒေါက်တာဖေမောင်တင်၊ ဦး မေအောင်၊ ဦးစံသာအောင်၊ ဦးမြ၊ ဒေါ်မြစိန်၊ ဦးသာမြတ်၊ ဦးဖိုးလတ်၊ ဦးဖေမောင်တင်အစရှိသည့် ပညာရှင်အကြောင်းများပါရှိပြီး၊ စာအုပ်အကြောင်းအရာများ အခန်းတွင် မှန်နန်းရာဇဝင်၊ ကျည်းကန် ရှင်ကြီး မေတ္တာစာ၊ သာသနာ့ဝံသကျမ်း ကင်းဝန်မင်းကြီး လန်ဒန်မြို့ သွား နေ့စဉ်မှတ်စာတမ်းနှင့် ပြင်သစ်နိုင်ငံသွား နေ့စဉ်မှတ်စာတမ်းအပါအဝင် ကျမ်းပေါင်း ၁ဝ ကျမ်းကို မြည်းစမ်းခွင့် ရရှိစေမည် ဖြစ်သည်။