မန္တလေးတက္ကသိုလ် အငြိမ်းစား သမိုင်းပါမောက္ခ၊ မြန်မာ့သမိုင်းပညာရှင်၊ သုတေသန ပညာရှင် ဆရာကြီး ဒေါက်တာသန်းထွန်း ကွယ်လွန်ခြင်း ၈ နှစ်ပြည့် အထိမ်းအမှတ်အဖြစ် ဆရာကြီး နှင့် ပတ်သက်သော အကြောင်းအရာများကို တပည့်ဖြစ်သူ စာရေးသူက ဆောင်းပါးများခွဲ၍ ဂါဝရပြု ရေးသားထားခြင်း ဖြစ်သည်။ ဆရာ၏ ရုပ်သွင်ဟန်ပန်၊ အပြုအမူ၊ အပြောအဆို၊ ဓလေ့စရိုက်များနှင့် တကွ သုတေသနအလုပ်များကို လွန်လွန်ကဲကဲပြုလုတတ်ပုံ၊ သူယုံကြည်ရာလမ်းကို ကိုယ်တိုင် ဖောက်၍ တစ်စိုက်မတ်မတ် လုပ်ဆောင်ခဲ့ပုံ၊ ဆရာထံမှ သူလေ့လာဆည်းပူခဲ့သည့် သုတေသနထုံး၊ သမိုင်းကျမ်းတစ်စောင် ရေးသားခြင်းနှင့် ပတ်သက်၍ သူခံယူခဲ့ရသည့် ဆရာ၏ သွန်သင်ချက် အစရှိ သည်တို့ကို ဆောင်းပါးများတွင် ဗဟုသုတဖြစ်ဖွယ် ဖတ်ရှုလေ့လာကြရမည် ဖြစ်သည်။