စာရေးသူ ယခင်က ရေးသားခဲ့သည့် “ဝင်းငြိမ်းနှင့် စာရေးဆရာများ” အတွဲ ၁ မှ ၄ အထိကို ပေါင်း၍ ပြန်လည်ထုတ်ဝေထားခြင်းဖြစ်သည်။ ရွှေအမြုတေမဂ္ဂဇင်း ပဲ့ကိုင်ရှင် ဦးဝင်း ငြိမ်းသည် ရွှေအမြုတေမထုတ်ခင်က ပေဖူးလွှာမဂ္ဂဇင်းတွင် စာဖတ်သူများနှင့် တွေ့ဆုံပေးခြင်းကဏ္ဍ ကို တာဝန်ယူ၍ ထိုခေတ် ထိုအခါက နာမည်ကြီး စာပေပညာရှင်များကို သွားရောက်တွေ့ဆုံ မေးမြန်းကာ သူတို့၏ စာပေဘဝကို မှတ်တမ်းတင်ခဲ့သည်။ ၎င်းမေးမြန်းမှုများတွင်မှ စာရေးဆရာ (၅၆) ဦးနှင့် သွားရောက်တွေ့ဆုံမေးမြန်းထားသည်များကို ယခုစာအုပ်တွင် ဗဟုသုတဖြစ်ဖွယ် ဖတ် ရှုကြရမည်ဖြစ်သည်။ မေးမြန်းသူ ဦးဝင်းငြိမ်းသည် သက်ဆိုင်ရာ ပုဂ္ဂိုလ်များရေးသည့် စာပေများကို နှိုက်နှိုက်ချွတ်ချွတ်လေ့လာပြီးမှ စာပေဆိုင်ရာ မေးခွန်းများကို ပညာသားပါပါ မေးထားသလို ဖြေ သူများကလည်း မေးသူ ကျေနပ်လောက်သည့် အဖြေများဖြင့် စည်းချက်ညီအောင် အမေးအဖြေ ပြုလုပ်ထားနိုင်သည်ကို တွေ့ရသည်။