မြန်မာလွတ်လပ်ရေး ကြိုးပမ်းမှုသမိုင်းစဉ်၌ ဂဠုန်ဦးစောပါဝင်ခဲ့သည့် အခန်းကဏ္ဍ၊ ဗိုလ်ချုပ်အောင်ဆန်းနှင့် အာဇာနည်များကို သူဘာကြောင့် လုပ်ကြံခဲ့သည်၊ ထို့သို့ကျူးလွန်ရန် အတွက် လက်နက်များကို မည်သို့ရရှိခဲ့သည်၊ တပည့်များကို မည်သို့မွေးခဲ့သည်၊ လေ့ကျင့်ခဲ့သည်၊ အာဇာနည်များကျဆုံးခဲ့သည့်နေ့က မြင်ကွင်း၊ လုပ်ကြံမှုအပြီး အဖမ်းခံရပြီးနောက် တရားရုံးတွင် သူ သူ့တပည့်များ တရားရင်ဆိုင်ခဲ့ရပုံ၊ တရားရုံး၏ စီရင်ချက် အစရှိသည်တို့ကို ဥပဒေပညာရှင်ဖြစ် သည့် စာရေးသူက ဤစာအုပ်တွင် ရှုထောင့် ပေါင်းစုံမှ ပိုင်နိုင်စွာ မှတ်တမ်းတင်ရေးသားထားသည်။ ဆရာဇော်ဂျီ၏ အမှာစာနှင့် စာရေးသူ၏ စာအုပ်စီစဉ်ရေးသားထားပုံ အမှာစာတို့ကို ဖော်ပြလိုက်ပါ သည်။