ရှမ်းတောင်တန်းများပေါ်မှ လက်ဖက်အလုပ်သမား ရှမ်းအမျိုးသား နင်းပြားတို့၏ တိုက်စည် တိုက်မောင်းသံတို့ဖြင့် ဘဝတိုက်ပွဲ၊ မူတိုက်ပွဲ၊ ဝါဒတိုက်ပွဲတို့ကို အပီပြင်ဆုံး အပေါ်လွင် ဆုံး ရေးသားထားသော သမိုင်းကြောင်းတင် ပဒေသရာဇ်ဆန့်ကျင်ရေး ဝတ္ထုရှည်ကြီးတစ်ပုဒ် ဖြစ်သည်။ ၃၆ ကောင်ထီ၊ ဘိန်းတို့ဖြင့် လူတန်းစားအပင်းသွင်းကာ ရိုးသားသော ရှမ်းဆင်းရဲသူ ဆင်းရဲသားများကို ဘဝနစ်မွမ်းစေခဲ့သည့် ပဒေသရာဇ်များ၊ ပဒေသရာဇ်လက်ဝေခံ လက်ဖက်ခြံရှင် ကြီးများနှင့် သူတို့ကို ဆန့်ကျင်သည့် ရှမ်းပြည်သူ လူရွယ်တစ်စု၏ ဇာတ်လမ်းကို စိတ်ဝင်စားဖွယ် ဖတ်ရှုကြရမည် ဖြစ်သည်။