မြန်မာမင်းများလက်ထက်မှစ၍ အလေ့အထနှင့် ယဉ်ကျေးမှုသဖွယ် မြန်မာ့လူ့ဘောင် အတွင်း အစဉ်အလာတစ်ရပ်ဖြစ်နေသည့် ဘိသိက်မင်္ဂလာအကြောင်း ရှင်းလင်းရေးသားထားသော စာအုပ်ဖြစ်သည်။ လောကီရေးရာတွင် အသိများသော လောကီမင်္ဂလာ ၁၂ ပါးနှင့် လောကီလူတို့ ကျင့်သုံးအပ်သည့် ဘိသိက်မင်္ဂလာအဖြာဖြာအကြောင်း၊ ဘိသိက်မင်္ဂလာကျင်းပရခြင်းအကြောင်း၊ ကျင်းပပုံ၊ ကျင်းပနည်း၊ ရွတ်ဖတ်သီကျူး မင်္ဂလာယူပုံ၊ ရှောင်ရန်၊ ဆောင်ရန်များကို အကျယ်တဝင့် ရေးသားရှင်းလင်းထားသည်။ ထို့ပြင် သမိုင်းဆရာကြီး ဦးတင်ချုံရေးသားသော ‘ဘိသိက်အစနှင့် မင်း တို့ မုဒ္ဓါဘိသိက်ခံခြင်း စာတမ်း' ကိုလည်း ထည့်သွင်း ဖော်ပြပေးထားသည်။