မဖွံ့ဖြိုးသေးသော ရွာသိမ်ရွာငယ်လေးမှ လူငယ်လေးတစ်ဦး၏ ပညာရေး အတွက် အပတ်တကုတ် ကြိုးစားရုန်းကန် အားထုတ်ခဲ့ရသော စာရေးသူ၏ဘဝကို မှတ်တမ်းတင် ရေးသား ထားသော စာအုပ်ဖြစ်သည်။ အမြင်မကျယ်သော သမားရိုးကျ ရွာဘုန်းကြီးကျောင်း၌ စာသင်ကြားခဲ့ ရသော ဘုန်းကြီးကျောင်းသားဘဝ၊ အခက်အခဲများနှင့် အတန်းကျောင်းသားဘဝ၊ ရွာငယ်လေးမှ တစ်ဆင့် သစ်ရာကောက်ရွာကြီးသို့ ပြောင်းရွှေ့ကာ ကိုယ့်ထမင်း ကိုယ်ချက်စားရင်း ဖြစ်သလို နေထိုင်ခဲ့ရသည့် အလယ်တန်းကျောင်းသားဘဝ၊ တောင်တွင်းကြီး ကျောင်းတွင် အထက်တန်းပညာ သင်ကြားရန် ကပ်ရပ်နေထိုင်ခဲ့သော ဘဝတို့ကို ရသစွက်ကာ မှတ်တမ်းတင်ရေးသားထားသည်။ စာရေးသူသည် ဤစာအုပ်ဖြင့် ၂၀၁၈ ခုနှစ်၊ စာပေဗိမာန်စာမူဆု လူငယ်စာပေ ဒုတိယဆုကို ဆွတ်ခူး နိုင်ခဲ့သည်။