ဗုဒ္ဓဘာသာသမိုင်းကြောင်းကို အတိအကျ အစစ်အမှန် မသိသေးသူများအတွက် ဖျာပုံ မြို့ စင်္ကာရန်အောင်ကျောင်းတိုက် ရွှေကျင်နာယက ပရိယတ္တိသာသနဟိတဓမ္မာစရိယ အရှင်သံဝရာ ဘိဝံသရေးသားသည့် ဗုဒ္ဓနိုင်ငံတော် ၃ တွဲကို အနှစ်ချုပ်ပေးထားသော စာအုပ်ဖြစ်သည်။ ဗုဒ္ဓမြတ် စွာသည် ကိုးကွယ်ရာအစစ်ဖြစ်ပုံ၊ ဗုဒ္ဓသာသနာတော်၏ အမှန်ကောင်းမြတ်ပုံများ၊ ဗုဒ္ဓလက်ထက် တော်၌ ဗုဒ္ဓသာသနာတော် မည်သို့စည်ပင်တိုးတက်ပြန့်ပွားခဲ့ပုံ၊ ဗုဒ္ဓသာဝကအဆက်ဆက်နှင့် သာသနာပြုမင်းအဆက်ဆက်တို့ကလည်း ဗုဒ္ဓသာသနာကို ဆက်လက်ပြုစုပျိုးထောင်ခဲ့ကြ၍ သာသနာတော်ထွန်းကားတိုးတက်စည်ပင်ပြီး အခြားနိုင်ငံများထိ ပြန့်ပွားခဲ့ပုံ၊ ဗုဒ္ဓသာသနာတော် လွှမ်းမိုးရာဌာနများအကြောင်း၊ မြန်မာနိုင်ငံသို့ ဗုဒ္ဓသာသနာ စတင်ရောက်ရှိလာပုံနှင့် ထေရဝါဒ ဗုဒ္ဓသာသနာကို အစဉ်အဆက် ထိန်းသိမ်းစောင့်ရှောက်လာခဲ့ပုံများကို ဤတစ်အုပ်တည်းနှင့် ခြုံငုံ လေ့လာသိရှိကြရမည် ဖြစ်သည်။