Conrad Richter ရေးသားသည့် The Light In The Forest စာအုပ်ကို ဘာသာပြန်ဆို ထားခြင်း ဖြစ်သည်။ အမေရိကန်မြေပေါ်သို့ ရောက်ရှိလာကြသည့် လူဖြူများနှင့် ဒေသခံ အင်ဒီယန်း တို့၏ ပဋိပက္ခကို နောက်ခံပြုရေးဖွဲ့ထားသော ဝတ္ထုရှည်တစ်ပုဒ် ဖြစ်သည်။ ငယ်စဉ်ကတည်းက အ မေရိကားတိုက်၏ ဌာနေတိုင်းရင်းသား လူနီရိုင်းများက ဖမ်းဆီးခေါ်ဆောင်သွားခြင်းခံရကာ ထို အသိုင်းအဝိုင်းမှာပင် အမည်ပြောင်း မွေးစားစောင့်ရှောက်ခံခဲ့ရပြီး မိမိကိုယ်ကိုလူနီရိုင်းအဖြစ် ခံယူ လိုက်သောလူဖြူကောင်လေးတစ်ဦး၊ စစ်ကြီးအပြီး မပြန်ချင်ဘဲဌာနေပြန်ရောက်ရသောအခါ အဖေ အရင်းကိုပင် အသိအမှတ်မပြု၊ တောတွင်းဓလေ့များအတိုင်းဆက်လက်နေထိုင်ရာမှ ပတ်ဝန်းကျင် အသိုင်းအဝိုင်း ဆွေမျိုးများ၏ ခွဲခြားမှုနှင့် အခြားအခက်အခဲများကြား ရုန်းကန်ရှင်သန်ရပုံကို ရေးဖွဲ့ ထားခြင်း ဖြစ်သည်။ ဝတ္ထုဟုဆိုသော်လည်း သမိုင်းမှတ်တမ်းအစစ်အမှန်များအပေါ်အခြေခံရေးသား ထားသောကြောင့် ၁၈ ရာစုနှောင်းပိုင်း အမေရိကန်တော်လှန်ရေးစစ်ပွဲ၏ ပုံရိပ်များကိုပါမြင်ယောင် ဖတ်ရှုနိုင်မည့် စိတ်ဝင်စားဖွယ် ဘာသာပြန်စာအုပ်ကောင်းတစ်အုပ် ဖြစ်သည်။