မင်္ဂလာဦးည မတိုင်မီမှာပင် သတိုးသားဖြစ်သူက အိမ်ထောင်ရှိပြီးကြောင်း သိရ၍ သတိုးသမီးဖြစ်သူ၏ ခံစားချက်ဝေဒနာမှ အစတည်ကာ အချစ်ဇာတ်လမ်းကို ဖွဲ့ထားသည်။ ငပလီ အပန်းဖြေဒေသမှ အချစ်ဇာတ်လမ်းစခဲ့သော သူတို့နှစ်ဦး၏ မေတ္တာလမ်းခရီးမှာ သတိုးသားဖြစ်သူ တစ်ချိန်က ပတ်သက်ခဲ့ဖူးသော အမျိုးသမီးတစ်ဦး၏ ငွေကြေးလှည့်ကွက် အဖြစ် အပျက်က အချိန် အခိုက်အတန့် လွှမ်းမိုးခံခဲ့ရလေပြီ ဖြစ်သည်။ သို့သော်လည်း ဖြစ်ရပ်အမှန်နှင့် ခံစားချက်အမှန်ကို သူ တို့နှစ်ဦး သိရှိသွားကြ သောအခါ စာရေးဆရာ မောင်ဝဏ္ဏက ဇာတ်ကို စာဖတ်သူများ ပျော်ရွှင် ကျေနပ်စရာဖြစ်အောင် လှလှပပ သိမ်းထားသည်။