Jackie Chan ရေးသားသည့် Never Grow Up စာအုပ်ကို ဘာသာပြန်ဆိုထားခြင်း ဖြစ်သည်။ အန္တရာယ်များသည့် သည်းထိတ်ရင်ဖို စွန့်စားခန်းများ၊ သိုင်းကွက်များကြောင့် တစ်ကမ္ဘာ လုံးရှိ ပရိသတ်များ၏ အားပေးခြင်းကို ခံခဲ့ရသူ ဂျက်ကီချမ်း၏ ကိုယ်တိုင်ရေး အတ္ထုပ္ပတ္တိစာအုပ် ဖြစ်သည်။ အသက်ခြောက်နှစ်အရွယ်တွင် တရုတ်ဒရမ်မာအကယ်ဒမီရောက်ရှိခဲ့ပုံ၊ နာစရာရှိက နာ, အော်စရာရှိက အော်ပြီး ရယ်စရာ တသီကြီးနှင့် အက်ရှင်ဇာတ်ကားများတွင် သရုပ်ဆောင်ရင်း ဟောင်ကောင်နှင့် ဟောလိဝုဒ်တွင် အောင်မြင်မှု၊ ကျရှုံးမှုများ ကြုံတွေ့ခဲ့ရပုံ၊ လဲရာမှ အကြိမ်ကြိမ်ထ ခဲ့ပြီးနောက် အောင်မြင်မှုရလာပုံများကို အကောင်းချည်းသက်သက်မဟုတ်၊ သူမှားခဲ့သည်များ၊ သင်ခန်းစာရယူဖွယ်ရာများနှင့်အတူ မှတ်တမ်းတင် ရေးသားထားသည်။