ရဟန်းဝတ်ဖြင့် စာပေနယ်ရော သံဃာနယ်ပယ်တွင်ပါ နှံ့နှံ့စပ်စပ်ရှိသူ စာရေးသူက သူ နှင့် ထိစပ်မှုရှိခဲ့ဖူးသည့် ဆရာတော်၊ သံဃာတော်များနှင့် ပတ်သက်၍ ရေးသားထားသည့် ဆောင်းပါးများကို စုစည်း၍ စာအုပ်အဖြစ် ထုတ်ဝေထားခြင်း ဖြစ်သည်။ ချင်းတောင်တန်း သာသနာပြုဆရာတော်၊ ကြောင်ပန်းဝိပဿနာ ဓမ္မကထိကဆရာတော်၊ အုတ်တွင်း ကန်ကလေး တောရကျောင်းဆရာတော်၊ ပခုက္ကူ ဗောဓိမဏ္ဍိုင်ဆရာတော်၊ သာမဏေကျော်ဘွဲ့ရသူများ၊ အဂ္ဂမဟာပဏ္ဍိတ ဆရာတော်များ၊ အဘိဓဇ ဆရာတော်များ၊ တိပိဋကဆရာတော်များ၊ သက်တော် ရာပြည့် ဆရာတော်ကြီးများ၊ ဓမ္မကထိက၊ ကဗျာဆရာ၊ စာရေးဆရာ၊ စာချ၊ ကမ္မဋ္ဌာနစရိယ ဆရာတော်များအကြောင်း ပါရှိသည်။ ဆရာတော်များ၏ ကြည်ညိုဖွယ် အကြောင်းအရာများအပြင် ပါဠိ အဋ္ဌကထာ ဋီကာ စာသားများ၊ ကဗျာအလင်္ကာ၊ အဆိုအမိန့်များကိုပါ ထည့်သွင်းရေးသား ထားသည်ကို တွေ့ရသည်။