လူမျိုးတစ်မျိုး၊ တိုင်းပြည်တစ်ခု၏ သမိုင်းကြောင်းကို အခြေခံကျကျ တင်ပြရာတွင် ခိုင်လုံသော အထောက်အထားများမှာ ‘ဒင်္ဂါး’နှင့် ‘ကျောက်စာ” တို့ဖြစ်သည်။ ဒင်္ဂါးသည် အချုပ်အခြာအာဏာပိုင်သော တိုင်းပြည်၏ အရှင်သခင် ဘုရင်များသည် ခပ်နှိပ်လေ့ရှိသည့်အတွက် ထိုခေတ်ထိုကာလ ထိုလူမျိုးတို့၏ ဘာသာစကားနှင့် စာပေယဉ်ကျေးမှု အဆင့်အတန်းကို ၎င်းမှတ ဆင့် လေ့လာသုံးသပ်နိုင်မည် ဖြစ်သည်။ စာရေးသူသည် ရခိုင်ပြည်၏ ဝေသာလီခေတ်၊ လေးမြို့ နှင့် မြောက်ဦးခေတ်၊ ရှေးခေတ် ရခိုင်ပြည် အနောက်ဘက်ဒေသကို အုပ်ချုပ်ခဲ့သော အနောက်ဘုရင်ခံ များခေတ်၊ ရခိုင်ပြည်နှင့် ခေတ်ပြိုင်ဖြစ်ခဲ့သော ကူရှန်အင်ပါယာခေတ်၊ ဂုပ္တအင်ပါယာခေတ်၊ ဆူလ တန်အင်ပါယာခေတ်၊ မဂိုအင်ပါယာခေတ် အပါအဝင် ခေတ်အဆက်ဆက် ခပ်နှိပ်ခဲ့ကြသည့် ဒင်္ဂါး များ၏ ပုံ၊ ပုံပါစာများ ရှင်းလင်းချက်၊ သမိုင်းရှုထောင့်၊ ယဉ်ကျေးမှု အနုပညာရှုထောင့်မှ လေ့လာ သုံးသပ်ချက်များကို အသေးစိတ် ရေးသားရှင်းလင်းထားသည်။