ပျူ၊ ကမ်းယံ၊ သက်ဟူသော မြန်မာ့ရှေးဦးလူမျိုးတို့တွင် တစ်မျိုးအပါအဝင်ဖြစ်သော သက်မျိုးနွယ်စုဝင် ကတူးတိုင်းရင်းသားနှင့် ကနန်းတိုင်းရင်းသားများ၏ ကိုးကွယ်ယုံကြည်မှုနှင့် ရိုးရာဓလေ့ထုံးစံများအကြောင်း မှတ်တမ်းတင်ထားသော စာအုပ်ဖြစ်သည်။ နိုင်ငံတော် ပရိယတ္တိသာ သနာ့တက္ကသိုလ် (ရန်ကုန်)သို့ မဟာဘွဲ့ယူကျမ်းအဖြစ် တင်သွင်းသောကျမ်းကို စာအုပ်အဖြစ် ထုတ် ဝေထားခြင်း ဖြစ်သည်။ စစ်ကိုင်းတိုင်း အထက်ပိုင်းတွင် အများစုနေထိုင်ကြသော ကတူးနှင့် ကနန်း တိုင်းရင်းသားတို့၏ နောက်ခံသမိုင်း၊ ဘာသာရေးဆိုင်ရာ ဓလေ့များ၊ နတ်ပသမှုဆိုင်ရာဓလေ့များ မွေးဖွားချိန်မှ သေဆုံးပြီးချိန်အထိ ပြုလုပ်ဆောင်ရွက်လေ့ရှိသော နေ့စဉ်လူမှုဘဝဓလေ့များ၊ ကတူး နှင့် ကနန်းလူမျိုးနှင့် ဆက်နွှယ်၍ ထင်ရှားသော ပုဂ္ဂိုလ်များ၊ ကတူး ကနန်းဒေသရှိ ရှေးဟောင်းသာ သနိက အဆောက်အအုံများ အသေးစိတ်ပါရှိသည်။