တေးရေးဆရာအဖြစ် ဂီတနယ်သို့ ရောက်ရှိခဲ့ပြီး သီချင်းရေးစပ်ခြင်း၊ သီဆိုခြင်းများ ဖြင့် ဘဝကို ဖြတ်သန်းကုန်လွန်ခဲ့သူ၊ ‘ချစ်လူမိုက်”, “ငယ်သူမို့’, ‘မောင့်မျက်ရည်ဝိုင်း’, ‘ကိုယ်ချင်းစာ နာခဲ့ရပြီ’, ‘စိတ်ဖြေသီချင်း’, ‘ဒုံးယိမ်းည’ အစရှိသည့် သီချင်းများဖြင့် ပရိသတ်၏ ရင်ကို ရှိုက်ခတ် အောင်မြင်မှု ရရှိခဲ့သူ စိုးလွင်လွင်၏ အကြောင်းကို သူ၏ ဇနီးနှင့် သားသမီးများက ဆောင်းပါးများ ခွဲ၍ မျှဝေရေးသားထားကြခြင်း ဖြစ်သည်။ စိုးလွင်လွင်ဆိုသော လူငယ်တစ်ဦး၏ ဖြတ်သန်းမှု၊ ဖခင် တစ်ဦး၏ ဖြတ်သန်းမှု၊ အဆိုတော်တစ်ဦး၏ ဖြတ်သန်းခဲ့ရမှု၊ ခေတ်၊ မေတ္တာတရား၊ ဘဝနေထိုင်မှု၊ အနုပညာအပေါ် ရူးသွပ်မှု၊ ဖန်တီးမှုတို့ကို သိရှိခံစား လိုက်ပါစီးမျှောရမည် ဖြစ်သည်။