၁၉၇၀ ခုနှစ်တစ်ဝိုက်က ရေးသားခဲ့သော စာရေးဆရာမောင်သိန်းဆိုင်၏ ငယ်လက်ရာတစ်ပုဒ် ဖြစ်သည်။ အိမ်ထောင်မှုတာဝန်၊ ယောကျာ်းနှင့် သားသမီးကိစ္စများနှင့်သာ အချိန်ကုန်ခဲ့ပြီး လင်သားအပေါ် ယုံကြည်မှု လွန်ကဲခဲ့သည့် အိမ်ထောင်ရှင်မတစ်ဦးကို အခြေတည်၍ ရေးဖွဲ့ထားသည်။ “ဘဝဟာ ပဆစ်ကစားဝိုင်းတစ်ဝိုင်းဆိုလျှင် အိမ်ထောင်ရေး ကစားပွဲမှာ ဘယ်သူနိုင်လို့ ဘယ်သူရှုံးခဲ့ပါသလဲ” “ပဆစ်ဝိုင်းတစ်ဝိုင်းမှာ ကြွေပစ်သမားကောင်းတိုင်းလည်း အနိုင်ရဖို့ဆိုတာ သေချာပါရဲ့လား” ဝတ္ထုရေးသားသည့် ၁၉၇၀ တစ်ဝိုက် လူမှုဝန်းကျင်၏ ဖြစ်ရပ်များကို အခြေခံလျက် အိမ်ထောင်သည် အမျိုးသမီးတို့၏ ဘဝကို ခံစားမှုရသပါအောင် စာနာရေးဖွဲ့ထားသည့် စာရေးသူ၏ လက်ရာကောင်းတစ်ပုဒ် ဖြစ်ပါသည်။