၁၉၆၂ ခုနှစ်စာပေနိုဘယ်ဆုရ ကမ္ဘာကျော် အမေရိကန်စာရေး ဆရာကြီး ‘ဂျွန်စတိန်းဘတ်' ၏ Tortilla Flat ဝတ္ထုကို ဆရာမောင်ထွန်း သူမှ တို့ဘဝတို့ကမ္ဘာဟူသောအမည်ဖြင့် ဘာသာပြန်ဆိုထားခြင်းဖြစ်သည်။ စပိန်၊ ရက်အင်ဒီးယန်း၊ မက္ကဆီကန်နှင့် ကော့ကေစီယန်လူမျိုး များမှ သွေးချင်းနှော၍ ပေါက်ဖွားလာသည့် ပီဆာနိုးဟုခေါ်သော လူမျိုး တစ်စု၏ဘဝကို ဖွဲ့ဆိုထားခြင်းဖြစ်သည်။ ဇာတ်လမ်း၊ ဇာတ်ကွက်ဟူ၍ မည်မည်ရရ တခမ်းတနားမရှိဘဲ ဇာတ်ကောင်များကိုပီပြင်စွာ အသက် သွင်းထားနိုင်သည့် မူရင်းစာရေးဆရာ၏ စာရေးခြင်းအတတ်ပညာနှင့် အထေ့အငေါ့သရော်သံကောင်းများကို ပရိတ်သတ်သို့မိတ်ဆက်လိုသည့် အတွက်ဘာသာပြန်ဆိုခဲ့ခြင်းဖြစ်သည်ဟု ဆရာမောင်ထွန်းသူက သူ၏ အမှာစာတွင်တခုတ်တရထည့်သွင်းဖော်ပြထားသည်။