အတွင်း ၃၇ မင်း၊ အပြင် ၃၇ မင်းသာမက ၎င်းတို့တွင် မပါဝင်သေးသော နတ်များနှင့် သက်ဆိုင်သည့် ပုံပြင်များကို စုစည်းပေးထားသော စာအုပ်ဖြစ်သည်။ တောင်စိုး နတ်မောင်နှမ၊ ပုပ္ပား နှင့် မန္တလေးစံ နတ်များ၊ ကိုးသိန်းရှင်၊ ကိုးမြို့ရှင်၊ မယ်ဒက် မယ်နဲ ညီအစ်မ၊ ဖိုးဝန်း အရှင်မ၊ မြောင် ရွှေတောင်စား ရွှေလောင်းစား၊ မြင်းဖြူသခင် ရွှေပြည်ရှင်၊ ယမား ကန္နီ ရွှေစစ်သင်၊ ယသမင်ဂျီ မ နှင်းဆီ၊ နံကရိုင်း ကျွဲနတ်၊ မယ်ဖြူနှင့် မယ်ညို ပျဉ်းမနားနတ်၊ မင်းရဲစစ်ဆင်နှင့် ရှင်မမယ်ဖြူနတ်၊ င မွန်ငယ်နှင့် မယ်မောက် စောပုမယ်၊ ပုန်းမကြည်ရှင်မ၊ ရေငံပိုင်းက ကျွန်းညို့ရှင်၊ ရေပေါ်မှ ဖိနပ်စီး သည့် ရေလျဉ်ကတော်၊ ရွှေချိုးဖြူနှင့် မူလခဲ၊ မင်းတရားနတ်၊ မဟာပိန္နဲနတ်၊ ဘုရင်မိုက်အား လက်စားချေသော နတ်၊ ကိုးရေလျဉ် နတ်မောင်နှမ ကိုးယောက်၊ ဖျာလိပ်နတ် မအောင်ဖြူ၊ သူရဿတီ မယ်တော် ဒေဝီနတ်၊ တနင်္သာရီက ကျောက်တိုင်ရှင်မ၊ ယင်းမာပင်မှ ပြာပုံတောင်ရှင်မ၊ နယ်ချဲ့သားကောင် သီတာ မောင်နှမနတ်၊ ကပ်ပါးဉာဏ်ကျယ် ဘသူကြွယ်တို့၏ စိတ်ဝင်စားဖွယ် နတ်သမိုင်းပုံပြင်များ ပါရှိသည်။