Nganteur Tineung, Ngumbar Kelar teh sasatna lalakon kaleukeun jeung kagagal, kaunggul jeung kapeurih, kamapanan jeung kaharoong. Juhaeri, nu gumelar di imah ngupuk sabru-brueun rubuh di wewengkon Pinangraja, Majalengka, ancrub jeung teuleum dina sagara obsesi anu tan jugjugan. Pamustunganana jog ka New Jersey, Amerika, ka dunya nu sama sakali teu kagambar memehna. Teu kacipta ti anggalna, Juhaeri bakal diangkat jadi vice president di salasahiji pausahan farmasi panggedena di sadunya. Atuh dijungjung lungguh jadi adjunct professor di salasahiji universitas pangkahotna di Amerika ge lain cita-citana deuih. Ngan, eta pisan nu dilakonan ku Juhaeri kiwari. Nu pangnembresna dina dedek angen-angenna nya kabagjaan kulawarga, sabenerna mah. Tapi eta pisan deuih nu matak tuluy mawa handeueul teu anggeus-anggeus teh. Nganteur Tineung, Ngumbar Kelar teh eusina estuning lalakon hirup nu remen nyengcang tina sakur itungan, da hantem midangkeun renjagan-renjagan nu teu kawangwang ti anggalna.