Aya opat belas carita pondok anu midang dina Jampe Ngimpi teh. Kabehanana kungsi dimuat dina koran jeung majalah antara taun 2011 nepi ka 2018. Sakumaha biasana, carpon-carpon Mamat Sasmita mah tara jauh tina jejer jeung pasualan sabudeurueun kritik sosial: hubungan manusa jeung manusa, atawa hubungan manusa jeung alam. Jalan carita anu ditepikeun estuning ngaguluyur, matak genah dibacana. Ditema ku kuatna karakter tokoh anu katembong dina unggal leunjeuran carita. Leuwihna ti eta, Jampe Ngimpi rea nyabit pangaweruh teknologi tradisional Sunda jeung unak-anikna sarta kaluhungan ajen-inajen urang Sunda.