ဆရာမကြီး သန်းမြင့်အောင်ရဲ့ အမှာစာနှင့် ဆရာရဲ့လက်ရာအစုံကို ဒီစာအုပ်ထဲမှာတွေ့မြင်ရမှာဖြစ်ပါတယ်။ ဒီစာအုပ်ထဲမှာ ဝတ္ထုတိုအားဖြင့် ၁၀ ပုဒ် တိတိပါဝင်ပြီးဝတ္ထုတိုတစ်ပုဒ်ချင်းစီတိုင်းမှာ အတွေးတွေ၊ ရင်သပ်ရှုမောဖွယ်ရာတွေ အတိပါပဲမို့ ဝယ်ယူလည်း လုံးဝနောင်တမရစေရမယ့် စာအုပ်အမျိုးအစားပါပဲ။ “အားလုံးကိုခြုံပြောရပါလျှင် အကြောင်းအရာအဖြစ်အပျက်အားလုံး တစ်ပုဒ်နှင့် တစ်ပုဒ်မတူအောင် စုံလင်သလောက် အဖြစ်အပျက်အခြေအနေတို့သည်ပင် လူ့အဖွဲ့အစည်းထဲမှ လက်တွေ့ဘဝများဖြစ်သည်ကို ကျွန်မတို့ မငြင်းနိုင်ပါ။ သူ့ဝတ္ထုတိုတွေဟာ ယခုလက်ရှ်ိလောကဇာတ်ခုံ​၏ အခင်းအကျင်းများပင်ဖြစ်ပါသည်။ ထို့ပြင် မိုးသက်အောင်(မြန်မာစာ) ​၏ရသစာပေများကိုဖတ်ရှုရာတွင် လောကကြီးအပေါ်ထားရှိသော စာရေးသူ​၏ စေတနာကိုလည်း ထင်းထင်းကြီးမြင်လိုက်ရသည်။ ထို့ကြောင့်ပင် ဒီကနေ့ ဒီအချိန် ဒီအခါ ကျွန်မတို့​၏လူ့အဖွဲ့အစည်းတွင် ဒီလိုရသစာပေမျိုးကို ကိုယ်တိုင်ဖတ်ရှုရုံတင်မကဘဲ တစ်ဦးနှင့် တစ်ဦး လက်ဆင့်ကမ်းသင့်သော လက်ဆောင်မွန်ကောင်းတစ်ခုဟုလည်း ကျွန်မဆိုချင်ပါသည်။