ကဗျာနှင့်ပတ်သက်ပြီး ဘယ်တုန်းကမှ ကျွန်တော်မသေချာခဲ့ပါ။ ကဗျာနှင့်ပတ်သက်ပြီး သေချာသူများ၊ အာဘောင်အာရင်းသန်သန် ပြောသူများ၊ အခမ်းအနားများမှာ တခန်းလုံးလျှံထွက်သွားအောင် ကဗျာဆိုသော စကားလုံးကို အသံမြှင့်လျက်၊ လက်သီးလက်မောင်းတန်းလျက် ကြွေးကြော်သူများကို ကျွန်တော် အယုံအကြည် မရှိပါ။ ထိုသို့သော အသံ ကျယ်ကျယ်လောင်လောင်များရှိရာမှာ ကဗျာမရှိမှန်း စောစောကတည်းက ကျွန်တော်သိခဲ့တယ် ကဗျာကိစ္စဟာ ဂိုဏ်းဂဏကိစ္စမဟုတ်၊ ဆုတံဆိပ်ငွေကြေးမဟုတ်၊ ဆရာတပည့်သင်ကြားရေးမဟုတ်၊ အသုံးချခံမဟုတ်၊ ဝါဒမဟုတ်၊ မိတ်ဆွေဖွဲ့မှုမဟုတ်၊ ရန်လိုပြိုင်ဆိုင်ခြင်းလည်းမဟုတ်၊ အများကြိုက်မဟုတ်၊ သီအိုရီမဟုတ်၊ မိရိုးဖလာမဟုတ်၊ ပင်မရေစီးမဟုတ်။ စသည်ဖြင့် ..........................။