ယခုစာအုပ်တွင် “မြန်မာ့လူမှု-နိုင်ငံရေးတန်ဖိုးနှင့် ဒီမိုကရေစီအပြောင်းအလဲ” နှင့် “ရွေးကောက်ပွဲဒီမိုကရေစီမှ လစ်ဘရယ်ဒီမိုကရေစီသို့” ဟောပြောပွဲ နှစ်ခုပါရှိပါသည်။ နှစ်ခုလုံး “ဒီမိုခရက်တိုင်ဇေးရှင်း” နှင့် ပတ်သက်သော ဘာသာရပ်ဖြစ်သည်။ “မြန်မာ့လူမှု-နိုင်ငံရေးတန်ဖိုးနှင့် ဒီမိုကရေစီအပြောင်းအလဲ”အကြောင်းအရာပါ စာစုအား “မြန်မာ့နိုင်ငံရေးဓလေ့နှင့် တတိယလှိုင်းအတွေ့” ဆိုသော ခေါင်းစဉ်ဖြင့် 2010 ရွေးကောက်ပွဲမတိုင်မီ တစ်ရက်အလိုက မြန်မာနိုင်ငံ ငါးလုပ်ငန်းအဖွဲ့ချုပ်တွင် ပထမဆုံးအကြိမ် နှင့် ထိုအကြောင်းအရာကိုပင် “မြန်မာ့လူမှု-နိုင်ငံရေးတန်ဖိုးနှင့် ဒီမိုကရေစီအပြောင်းအလဲ” ဆိုသော ခေါင်းစဉ်ဖြင့် ရန်ကုန်(UMFCCI)၊ မန္တလေး၊ မုံရွာ၊ ဒေးဒရဲ၊ တွံတေး၊ မဲဇလီကုန်း၊ နေပြည်တော်(လွှတ်တော်)၊ လားရှိုး၊ တောင်ကြီး၊ စင်္ကာပူ၊ မလေးရှားတို့တွင် ဟောပြောခဲ့သည်။ “ရွေးကောက်ပွဲဒီမိုကရေစီမှ လစ်ဘရယ်ဒီမိုကရေစီသို့” အကြောင်းအရာပါ စာစုအား ရန်ကုန်မြို့(UMFCCI)၊ 2012 ကြားဖြတ်ရွေးကောက်ပွဲအပြီး ငါးလုပ်ငန်းအဖွဲ့ချုပ်(ရန်ကုန်)၊ နေပြည်တော် (2013)၊ အမျိုးသားလွှတ်တော်တို့တွင် ဟောပြောခဲ့သည်။