Ang Aklat na pinamagatang Para sa Pilipinas ay koleksiyon ng mga tula na tumatawid sa iba’t ibang panig ng daigdig. Nililibot ang bawat sulok, iniibig ang di-matawaran at mahiwagang mga yamang-lupa, yamang-tubig, mga pagkaing nakagisnan ng iba’t ibang mga tribo at mamamayang Pilipino sa Luzon, Visayas, at Mindanao. Binibigyang-Buhay ang mga museo, arkitektura ng mga siyudad at bayan. Muli’t muling magtatampisaw sa lalim at rikit ng Bayang Sinilangan. (Poems/Poetry)