ဂီတနက်သန် ကိုစောညိန်း နှစ် (၁ဝဝ) ပြည့်နှင့် ဂီတနက်သန် (၇၅) နှစ် ပြည့်ကို ဂုဏ် ပြုသောအားဖြင့် ဂီတနက်သန်အပါအဝင် ဂီတလောကမှ အနုပညာသည်များက သူတို့၏ဘဝ၊ အနုပညာနှင့် အတွေ့အကြုံများကို မျှဝေရေးသားထားခြင်း ဖြစ်သည်။ ဂီတနက်သန်နှင့်အတူ ပေါ်ပေါက်လာခဲ့သော၊ ဂီတနက်သန်၏ အမွေကို ခံယူကာ အနုပညာလောကတွင် လူသေ သော်လည်း နာမည်မသေသော အနုပညာသည်များဖြစ်သည့် ဂီတနက်သန် ကိုစောညိန်း၊ ဂီတနက် သန် ဦးအုန်းလွင်၊ ဦးမောင်မောင်ကြည် (ဂီတနက်သန်)၊ တယောဦးတင်ရီ နှင့် အဆိုတော် မောင် မောင်ညွန့်၊ ဂီတနက်သန်အမွေကို ဆက်လက်ထိန်းသိမ်းလျက် ရှိသော ရေနံ့သာစိုးလှိုင်နှင့် တေးသံရှင် ဂီတာမင်းမင်းဦး (ဂီတနက်သန်)တို့၏ ဘဝ၊ ဒဿနနှင့် တေးသီချင်းများ၊ ဂီတနက်သန် ကိုစောညိမ်းအကြောင်း ထဲထဲဝင်ဝင် သိကျွမ်းကြသော ဒဂုန်တာရာ၊ နန်းညွန့် ဆွေ၊ ဒေါ်ကြည်ဦး၊ တက္ကသိုလ်ဘုန်းနိုင်၊ ဂီတသုတေသီ ခင်မောင်ဇော်၊ ရုပ်ရှင်မင်းသမီးကြီး ခင်သန်းမြင့်၊ ဒုံမင်းဝိဇ္ဇာ စိန် ခင်လေး၊ ဒေါ်ခင်စောတင့်၊ ဆိုင်းဆရာကြီး စိန်ဗိုလ်တင့်၊ တယော ဦးမင်းကြည် (ယဉ်ကျေးမှု)၊ စောင်းဆရာကြည်၊ ဂီတစာဆို ဖျာပုံမောင်အောင်မော်၊ ဒုံမင်း ဦးဆန်းတင့်၊ သုတေသီစာရေးဆရာ တင်နိုင်တိုးနှင့် ကာတွန်းရွှေမင်းသားတို့၏ အမှတ်တရဆောင်းပါးများကို ဖတ်ရှုကြရမည် ဖြစ်သည်။