ဂျပန်နိုင်ငံကို ရောက်ခါစ၊ အလုပ်အသစ်မှာ၊ ပတ်ဝန်းကျင်အသစ်မှာ တစ်ယောက်တည်း အထီးကျန်သည်ဟု ခံစားနေရသူများ၊ လုပ်ငန်းခွင်တွင် ဂျပန်လူမျိုးများနှင့် အလုပ် တွဲလုပ်ကြတဲ့အခါ သူ့သဘော ကိုယ်နားမလည်၊ ကိုယ့်သဘော သူနားမလည် ဖြစ်ပြီး ဂျပန် တို့၏ စိတ်ကို ဖတ်ရခက်နေသူများ၊ နေ့စဉ်တွေ့နေရသည့် ဂျပန်လူမျိုးများ၏ စိတ်၊ ခံယူချက် အကြောင်း သိလိုသူများအတွက် ရည်ရွယ်ရေးသားထားသော စာအုပ်ဖြစ်သည်။ ဝါသနာအရ စာပေ များရေးသားနေသော်လည်း ဂျပန်နိုင်ငံတွင် ရွှေ့ပြောင်းအလုပ်သမားအဖြစ် ကျင်လည်ဖြတ်သန်းနေ ရသူ စာရေးသူက ဂျပန်လူမျိုးများ၏ သဘောသဘာဝ၊ အမူအကျင့်၊ စံနှုန်းများအကြောင်း၊ ဂျပန် လုပ်ငန်းခွင် သဘောသဘာဝကို သူ၏ လုပ်ငန်းခွင်အတွေ့အကြုံများနှင့်အတူ ရေးသားမျှဝေ ထားသည်။