ပန်းပဲ(သံထည်ထုလုပ်ခြင်း အတတ်ပညာ)၊ ပန်းထိမ် (ရွှေငွေ စသည့်လက်ဝတ် တန်ဆာမှစ၍ အသုံးအဆောင်ပစ္စည်းအမျိုးမျိုးကို သွန်းထု ခတ်လုပ်သည့်ပညာ)၊ ပန်းတဉ်း (ကြေး ထည် ပုံစံအမျိုးမျိုး သွန်းလုပ်သည့်ပညာ)၊ ပန်းတော့ (အင်္ဂတေ၊ သရွတ်ဖြင့် ရုပ်လုံး ရုပ်ကြွ အမွှမ်းတင်တန်ဆာ ပြုလုပ်သောပညာ)၊ ပန်းရန် (အုတ်၊ အင်္ဂတေတို့ဖြင့် အဆောက်အဦ တည်လုပ် သည့်ပညာ)၊ ပန်းပု (သစ်သား၊ ဆင်စွယ်၊ ဖယောင်း စသောဝတ္တုပစ္စည်းများကို ရုပ်လုံးရုပ်ကြွ ထွင်း ထုသည့်ပညာ)၊ ပန်းတမော့ (ကျောက်သားကို ထုဆစ်သည့်ပညာ)၊ ပန်းပွတ် (သစ်သား၊ ဆင်စွယ် ပစ္စည်းများကို လိုရာပုံစံအတိုင်း ချောမွတ်အောင် ပွတ်ခံပြုလုပ်သည့်ပညာ)၊ ပန်းချီ (ဆေးရေး၊ ခဲရေး ရုပ်ပုံ ရေးခြယ်သည့်ပညာ)၊ ပန်းယွန်း (သရိုးဖြင့် ပန်းနှင့် ရုပ်ကြွတင်၍ ပြုလုပ်သည့်ပညာ)တို့ အကြောင်းကို ၎င်းတို့နှင့် နှီးနွာယ်သည့် မှန်စီရွှေချလုပ်ငန်း၊ ရွှေဆိုင်းလုပ်ငန်း၊ ရွှေချည်လုပ်ငန်း၊ စဉ့် ရည်သုတ်လုပ်ငန်း၊ ဖန်ချက်လုပ်ငန်း၊ ဒေါင်းရွှေအတတ်များနှင့်အတူ ရှင်းလင်းရေးသားထားသော စာအုပ်ဖြစ်သည်။