ဗြိတိသျှကိုလိုနီခေတ်ဦးတွင် မြန်မာ့ရိုးရာ ပန်းချီရေးနည်းစနစ်များ တိမ်မြှုပ်ပျောက် ကွယ်ပြီး အနောက်တိုင်းဥရောပပန်းချီရေးနည်းစနစ်များ ဆန်းသစ်လျက် လေ့လာလိုက်စားသူ အမြောက်အမြား ပေါ်ထွက်လာရာ ပန်းချီဆရာအများစုမှာ ငွေရလွယ်သော ပန်းချီများ ရေးဆွဲလာ ကြသည်။ ထို ၂၀ ရာစုခေတ်သည် မြန်မာ့ပန်းချီလောကတွင် ဘက်စုံပညာရှင်များ ထွန်းကားလာ သော ခေတ်ဟု ဆိုနိုင်သည်။ ဤစာအုပ်တွင် မင်းတုန်းမင်းလက်ထက် နန်းတွင်းပန်းချီကျော် ပန်းချီ တော် ဦးကြာညွှန့်မှစ ဆရာဆိုင်ကြီး၊ ပန်းချီတော် ဆရာချုံ၊ နိပါတ်တော်ရေး ဆရာအေး၊ ကိုလိုနီ ခေတ် ဦးထွန်းလှ၊ ပါမောက္ခ ကင်းနက်မာတင်ဝါဒ်၊ မစ္စတာ အီး၊ဂျီ၊ အင်၊ ကင့်ချ်၊ မစ္စတာ မာတင်ဂျုံး၊ ဦးဘအုံး၊ ဝဏ္ဏကျော်ထင် ဆရာဆိုင်၊ဦးဘလုံ၊ ဦးဘစိန်၊ ဦးသန့်၊ ဦးဘဉာဏ်၊ ရေဆေးဘုရင် ဆရာ ဆောင်၊ စစ်ကြိုခေတ်၊ လွတ်လပ်ရေးခေတ်မှ ပေါ်ဦးသက်၊ သုခုမအုန်းခင်၊ ဦးငွေထွန်း၊ ဦးနန်းဝေ တို့ အထိ မြန်မာ့ပန်းချီကျော် - (၁၀၁) ဦးတို့အကြောင်းကို ခုနှစ်အလိုက် မှတ်တမ်းတင် ရေးသား ထားသည်။ ပန်းချီဆရာတစ်ဦးချင်းစီ၏ ဘဝဖြတ်သန်းမှု၊ ပညာဝမ်းစာဖြည့်တင်းမှု၊ ပညာပါရမီ၊ မှတ်တိုင်စိုက်ထူခဲ့သော ပန်းချီလက်ရာများ အစရှိသည်တို့ကို စာအုပ်မှတဆင့် လေ့လာသိရှိနိုင်ကြ မည် ဖြစ်သည်။