သိုင်းပြောင်းပြန်သည် မြန်မာပြည်ရှိ သိုင်းအနွယ်ဝင်များထဲမှ ကမ္ဘောဇအနွယ်ဝင် ရှမ်း စော်ဘွားများသာ သင်ကြားရသည့် ထူးခြားအံ့ဩဖွယ်ရာ သိုင်းပညာဖြစ်သည်။ သာမန် အရပ်သား များကို သိုင်းပြောင်းပြန် သင်ပေးနေခြင်း (သို့မဟုတ်) သင်ယူလေ့ကျင့်နေသည့် အထောက်အထား များ တွေ့ရှိပါက သတ်ပစ်ကြရဟုပင် ဆိုကြသည်။ သိုင်းပြောင်းပြန်ကို ရှမ်းပြည်မှ မြန်မာပြည်သို့ သယ်ဆောင်လာခဲ့သူမှာ ရှမ်းစော်ဘွား၏ သက်တော်စောင့် ‘ဆရာချယ်” ဆိုသူဖြစ်ပြီး သိုင်း ပြောင်းပြန်၏ ဦးသျှောင်နာယကဆရာကြီး အဘိုးဦးမောင်လေး အပါအဝင် သိုင်းပြောင်းပြန် စိတ်ဝင်စားသူများသည် သူ့ထံမှ ပညာသင်ယူခဲ့ကြရသည်။ ယခုစာအုပ်သည် သိုင်းပြောင်းပြန်ပညာ ကို လက်ဆင့်ကမ်းခဲ့ကြသူများအကြောင်းနှင့် သိုင်းပြောင်းပြန်ပညာရပ်နှင့် လေ့ကျင့်ခန်းများကို သရုပ်ဖော်ပုံများနှင့်တကွ မှတ်တမ်းတင် ရေးသားထားခြင်း ဖြစ်သည်။