ကိုလိုနီခေတ်၊ လွတ်လပ်ရေးရပြီးနောက် ဖဆပလခေတ်၊ မြန်မာ့ဆိုရှယ်လစ်လမ်းစဉ် ပါတီခေတ်၊ နဝတ၊ နအဖခေတ် တို့ကို စစ်ဘက်၊ အရပ်ဘက်တာဝန်များထမ်းဆောင်လျက် ဖြတ်သန်းခဲ့ရသူ စာရေးသူ၏ သူဖြတ်သန်းလာခဲ့ရသည့် ခေတ်စနစ်တို့၏ ကောင်းကွက်, ဆိုးချက် များ၊ ရေတပ်တွင်တာဝန်ကျစဉ်ကာလ အမှတ်တရဖြစ်စဉ်များ၊ လုပ်ဖော်ကိုင်ဖက်များအကြောင်း၊ စစ်တပ်နှင့် ပါတီမှ အနားယူပြီးနောက် နိုင်ငံခြားသင်္ဘောလိုင်းများတွင် အလုပ်လုပ်ခဲ့စဉ်က ရရှိခဲ့ သည့် အတွေ့အကြုံများ၊ ပင်လယ်ပြင်က အခက်အခဲများ၊ ပင်လယ်ဓားပြအန္တရာယ်များနှင့် ကမ္ဘာ အနှံ့ နိုင်ငံတကာအတွေ့အကြုံများကို ဤစာအုပ်တွင် အသေးစိတ် မှတ်တမ်းတင် ရေးသား ထားသည်။ ထို့အပြင် ၁၉၈၈ ခုနှစ် ရှစ်လေးလုံး အရေးအခင်းကာလ အတွေ့အကြုံများ ၊ နိုင်ငံရေး နှင့် စာပေလောကမှ ထင်ရှားသူများနှင့် ထိတွေ့ဆက်ဆံခဲ့ရမှုများကိုပါ သမိုင်းအမြင်ဖြင့် ချဉ်းကပ် တင်ပြထားသည်။ အချုပ်အားဖြင့် ဤစာအုပ်သည် လူတစ်ဦးတစ်ယောက်၏ ဘဝဇာတ်ကြောင်း သက်သက်သာ မဟုတ်ဘဲ၊ ခေတ်စနစ်အမျိုးမျိုး၏ ရိုက်ခတ်မှုအောက်တွင် ရုန်းကန်လှုပ်ရှားခဲ့ရသေ= နိုင်ငံ့ဝန်ထမ်းတစ်ဦး၊ နိုင်ငံရေးသမားတစ်ဦးနှင့် ပင်လယ်ကူးသင်္ဘောသားတစ်ဦး၏ ဖြတ်သန်းမှုများ မှတစ်ဆင့် မြန်မာ့သမိုင်း၏ မှန်ကူကွက်များကို လေ့လာနိုင်မည့် စာအုပ်တစ်အုပ်ဖြစ်သည်။