လွန်ခဲ့သော အနှစ်နှစ်ထောင် ပျူခေတ်ကတည်းက ပျူတို့သည် ပျူဒင်္ဂါးကို သုံးစွဲခြင်း အားဖြင့် လူနေမှုဘဝကို မြှင့်တင်ပေးခဲ့ကြသည်။ ထို့နောက် ပျူခေတ်ကို ဆက်ခံကြသည့် ပုဂံခေတ်မှ သည် ကုန်းဘောင်ခေတ်၊ ထိုမှသည် ကိုလိုနီခေတ်၊ လွတ်လပ်ရေးရပြီးခေတ်ထိ ခေတ်အဆက်ဆက် ဒင်္ဂါး၊ ငွေစက္ကူအပါအဝင် ငွေကြေးများ သုံးစွဲခဲ့ကြရာ ထိုသမိုင်းကြောင်းနှင့် ခေတ်ကာလအလိုက် သုံးစွဲခဲ့ကြသည့် ငွေစက္ကူနှင့် ငွေအကြွေစေ့များအကြောင်းကို မှတ်တမ်းတင် ရေးသားထားခြင်း ဖြစ်သည်။