သာမန်အိမ်ထောင်ရေးဇာတ်လမ်းဖြစ်သော်လည်း မြှုပ်ကွက်တွေ၊ လျှို့ဝှက်ဆန်းကြယ် မှုများအပြည့်နဲ့အတူ Surreal ဆန်မှုဘက်ကို တဖြည်းဖြည်း ရွေ့သွားသည့် ဝတ္ထုအရေးအသားပုံစံ ဖြင့် ဖတ်ရှုရမည့် ဇာတ်လမ်းဖြစ်သည်။ စာရေးဆရာမိုးသက်ဟန်က အမှာစာတွင် “ . အကြားအလပ်မရှိ၊ သိမ့်သိမ့်ငြိမ်ငြိမ့် ဆွဲဆောင်သော ဇာတ်ပြောဟန်၊ အရှိတရားအလွန်မှာတည် သော ဆင်ခြင်မှုအလွန် (ဝိဂတယုတ္တိ) မှ သီးခြား ပထဝီအနေအထား၊ နိစ္စဓူဝ လူမှုဝန်းကျင်ထဲက ရက်စက်ကြမ်းကြုတ်မှုတွေ၊ ချစ်ခြင်းမေတ္တာ၊ လိင်အလိုရမ္မက်အပေါ် မေးခွန်းထုတ်ထားတွေ၊ လှိုက် ဖြာရင်မောဖွယ် ဖြစ်စဉ်တွေ အစရှိသဖြင့်များနဲ့ ရက်ယှယ်ထားတဲ့ ဒီဝတ္ထုဟာ စာဖတ်သူရဲ့ စိတ် အာရုံကို တရံမလပ် ဆွဲခေါ်သွားခဲ့ပါတယ် ... ” ဟု ညွှန်းဆိုထားသည်။